\

დიდგორის ველი

30.04.2018

 

დიდგორის ველი საზოგადოდ ცნობილი ადგილია, რადგან აქ 1121 წელს საქართველოს ისტორიაში ყველაზე ცნობილი ბრძოლა გაიმართა. ველი მდებარეობს თეთრიწყაროს რაიონში, დაბა მანგლისიდან 25 კილომეტრში და ქართველი ერისთვის დღემდე უდიდესი მნიშვნელობის მატარებელია.

 

 

ქართველთა ბრძოლა დავით IV აღმაშენებლის მეთაურობით თურქ-სელჩუკთა კოალიციური ლაშქრის წინააღმდეგ სწორედ დიდგორის ველზე შედგა. უაღრესად სისხლისმღვრელი შეტაკება მხოლოდ სამ საათს გაგრძელდა. მოწინააღმდეგე ლაშქარი სასტიკად დამარცხდა და უკუიქცა. დიდგორის ბრძოლას უდიდესი პოლიტიკური და სამხედრო მნიშვნელობა ჰქონდა. ამ გამარჯვებამ შესაძლებელი გახადა ქვეყნის საბოლოო გათავისუფლება და დასაბამი მისცა ოქროს ხანას საქართველოს ისტორიაში.

 

 

ყოველწლიურად 12 აგვისტოს აღინიშნება დიდგორობა. ამ დღეს 1121 წელს საქართველოს მეფე დავით აღმაშენებელმა დიდგორის ველზე თურქ-სელჩუკთა მრავალრიცხოვანი ლაშქრის წინააღმდეგ ბრძოლა გააჩაღა და გაიმარჯვა. დღეს ამ ველზე ბრძოლისადმი მიძღვნილი მემორიალი მდებარეობს, რომლის ნახვაც ნებისმიერ მსურველს შეუძლია. ეს არის ტერიტორია, რომელსაც ქართული სახელმწიფოს ისტორიაში განსაკუთრებული დატვირთვა აქვს, რადგან აქ გამართული ბრძოლის როლი ქვეყნის წინსვლაში განუზომელია.

 

მსგავსი ბლოგები

ბორჯომ- ხარაგაულის ეროვნული პარკი

03.12.2017
ბორჯომ-ხარაგაულის ეროვნული პარკი მდებარეობს ცენტრალურ საქართველოში, მცირე კავკასიონის რეგიონში.

ნარიყალა

15.11.2019
ნარიყალა უძველესი დროის ციხესიმაგრეა, რომელიც თბილისსა და მდინარე მტკვარს გადაჰყურებს.

აბანოთუბანი

19.11.2019
გოგირდის აბანოები -  თბილისის ცენტრის მნიშვნელოვანი ნაწილია. წყალი მათთან დედამიწის ქვემოდან ამოდის, ის თბილია და შეიცავს უამრავ გოგირდწყალბადს.

ბოტანიკური ბაღი

15.11.2019
თბილისის ბოტანიკური ბაღი.

ალავერდის მონასტერი

16.01.2018
უძველესი მონასტერი, სადაც შეგიძლიათ დააგემოვნოთ ქართული ტრადიციული წესით დამზადებული ქვევრის სამონასტრო ღვინო.