საგანმანათლებლო პროგრამა - მუსიკა ილიას სახლში

მე-19 საუკუნის დასაწყისიდან თბილისი კავკასიის ადმინისტრაციული და კულტურული ცენტრი გახდა.

მკვეთრად შეიცვალა მისი ცხოვრების წესი. თანდათან ფეხი მოიკიდა ევროპულმა კულტურამ, გაიზარდა ინტერესი ევროპული მუსიკისადმი, რომლის ნიმუშები დამკვიდრდა მუსიკალურ-ლიტერატურულ სალონებში, სადაც ჟღერდა ევროპული ინსტრუმენტები: ფორტეპიანო, სიმებიანი საკრავები, გიტარა, მანდოლინა, შეიქმნა ევროპული ყაიდის თბილისური და ქუთაისური სიმღერები, შესრულებული გიტარის თანხლებით ერთ, ორ და, განსაკუთრებით, სამ ხმაში. ქალაქური ფოლკლორი, რომანსები, ოპერები – ეს ის მუსიკალური ჟანრებია, რომლებიც იმ პერიოდის თბილისში იყო პოპულარული….

თბილისის მერიის მუზეუმების გაერთიანება – ილია ჭავჭავაძის სახლ-მუზეუმი გთავაზობთ შემეცნებით-საგანმანათლებლო პროგრამას „მუსიკა ილიას სახლში“.

საგანმანათლებლო პროგრამის მონაწილეებს ელოდებათ ექსკურსია მუზეუმში.

ექსკურსიის შემდეგ კი, ფოტო და აუდიომასალის გამოყენებით ნახავენ და მოისმენენ:

• ქართულ-ხალხურ სიმღერებს, საგალობლებსა და რომანსებს;
• XIX საუკუნის ქართული მუსიკის ჟანრებს;
• მონაწილეობას მიიღებენ სახალისო კონკურსში.

მონაწილეობა შესაძლებელია როგორც ჯგუფურად, ისე ინდივიდუალურად.

•  მონაწილეთა მაქსიმალური რაოდენობა: 20
•  ხანგრძლივობა: 90 წუთი
•  თბილისი, გ. ჩუბინაშვილის ქ. 22
•  ოთხშაბათი, 15:00 საათი
•  ღირებულება: 5 ლარი