მეღვინეობა ხარება პრემიუმ ტური

ყვარელში, ალაზნის ველის განაპირას მდებარეობს „მეღვინეობა ხარებას“ უნიკალური ღვინის საცავი - გვირაბი. გვირაბი კავკასიონის კლდის მასივშია გამოკვეთილი, იგი 1962 წელს სპეციალურად ვაზისა და ღვინის მსოფლიო კონგრესისთვის გაიხსნა და ამჟამად „მეღვინეობა ხარება“-ს ღვინის საცავს წარმოადგენს.

აქ რამდენიმე ათეული წელი ინახებოდა კახეთის რეგიონის საუკეთესო ღვინოები. მასში მთელი წლის მანძილზე შენარჩუნებულია ბუნებრივი ტემერატურა 12-14 C გრადუსი, ხოლო ტენიანობა 70%-ს შეადგენს, რაც იდეალურ პირობას ქმნის ღვინის შენახვისა და დაძველებისათვის.

სტუმრებს საშუალება ეძლევათ დააგემოვნონ „მეღვინეობა ხარება“-ს 40-ზე მეტი დასახელების ღვინო, გამოხადონ ჭაჭა, გამოაცხონ პური, ამოავლონ ჩურჩხელა, შეწვან მწვადი, მონაწილეობა მიიღონ რთველში და დაწურონ ღვინო.

პრემიუმ ტურში შედის:

•  6 დასახელების ღვინის დეგუსტაცია 
• ჭაჭის გამოხდა და დეგუსტაცია
• თონეში პურის გამოცხობა
• ჩურჩხელის ამოვლება
• მწვადის შეწვა
• ხინკლის მოხვევა

ფასი –  70 ლარი

ტურში არსებული ღონისძიებების  გარდა, შეგიძლიათ ყიდვის პროცესში დამატებით შეიძინოთ სასურველი აქტივობები