კინჩხა

0 კომენტარი

უცნობი სამოთხე შეიძლება უწოდო ხონის რაიონის მივიწყებულ პატარა სოფელ კინჩხას, რომლის მსგავსი ადგილი, ალბათ, იშვიათად მოიპოვება. ყველაფერი მოწმობს, რომ ათასწლეულების წინ აქ უმნიშვნელოვანესი გზები გადიოდა. სოფლის გულშემატკივარი და სკოლის დირექტორი, ბატონი მურთაზ კუხალაშვილი ამბობს, რომ საქართველოს ისტორიაში ხშირად შეხვდებით სოფლის სახელს. აქ მოპოვებული სპილენძის ნადნობი და ანტიკური ოქროს ფულიც მეტყველებს, რომ აქ ცხოვრება დუღდა, თუმცა, სხვაგვარად ვერც იქნებოდა - ამ ადგილებს ხომ კაცი ვერ შეელეოდა. სოფელი ნამდვილი სასწაულია თავისი მრავალკასკადიანი ჩანჩქერებითა და მიწისქვეშა მდინარით, რომელთა გუგუნს უსათუოდ გაიგონებთ 2400-მეტრიან ასხის მთაზე ასვლისას.

 

           „კინჩხა ულამაზესი და კულტურულად უმნიშვნელოვანესი სოფელია, სადაც დაუვიწყარი გამოცდილება გელით“

 

მოყვრისა თუ ბუნების ძალების წყალობით აქაურობა მტრისგან მუდამ დაცული იყო. აქაურობას სამი მხრით კლდეები იცავდა, მეოთხე მხარეს კი - კინჩხელების ხელით აშენებული კედელია, რომელიც დღემდე დგას და სტუმრები გაკვირვებული ათვალიერებენ. ტურისტების რიცხვმა ბოლო წლებში განსაკუთრებით იმატა - ისე არ გაივლის ზაფხული, ასობით სტუმარი არ მოვიდეს იმ საოცრების სანახავად, რომელსაც კინჩხა ჰქვია.

                     

                „ზღაპრული ჩანჩქერები და თვალისმომჭრელი ველური ბუნება კინჩხას მთავარი ღირსებებია“

 

კინჩხას მღვიმეები ჯერ კიდევ შეუსწავლელი რამ არის, თუმცა იმ ადგილობრივების თქმით, რომლებმაც მღვიმეში ჩასვლა მოახერხეს, იქ ისეთი სილამაზეა, თავი ზღაპარში გეგონებათ. ჩანჩქერების სილამაზით დასატკბობად კი არსად ჩასვლა და შეძრომა არ დაგჭირდებათ. ჩანჩქერები სწორედ ამ მღვიმეებიდან გადმოჩქეფს და ისეთი მშვენიერია, რომ მათი სიტყვებით აღწერა წარმოუდგენელია. ეს ჩანჩქერები გამორჩეუილია როგორც სიმაღლით (ყველაზე მაღალი 100 მეტრს აღწევს), ასევე სიგანითაც. კინჩხას ჩანჩქერები არის სწორედ ის, რაც ტურისტებს ყველაზე მეტად იზიდავს.

კონტაქტი

რუკაზე ნახვა

0 კომენტარი

5

კომენტარის დაწერა