ნინოსხევის ჩანჩქერი (გურგენიანი)

მდინარის ხმაური, პატარ-პატარა წყალვარდნილები, უზარმაზარი ლოდები, ხეობაში მოხეტიალე სასიამოვნო სიო ერთობ სახალისოს და სათავგადასავლოს გახდის თქვენს მოგზაურობას. რამდენიმე ნაბიჯი და თქვენს თვალწინ გადაიშლება ჯადოსნური სანახაობა - 40 მეტრიანი, საქართველოში ერთ-ერთი ულამაზესი ,,ნინოსხევის“ ჩანჩქერი, რომლის ხმაურიც იპყრობს არემარეს და სადღაც უცნაურ სამყაროში, თითქოს ახალ განზომილებაში გადაყავს მნახველი.

გზად გვეძლევა შესაძლებლობა შევხვდეთ იშვიათ რელიქტურ მცენარეებს, კერძოდ: ლაგოდეხის ნაღველას, ლაგოდეხის თეთრყვავილას, იულიას ფურუსულას, ჯონჯოლს, ლაფანს, წაბლს, ქართულ მუხას და სხვა.

ასევე შესაძლებელია შეხვედრა შველთან, ირემთან, გარეულ ღორსა და მტაცებელ ფრინველებთან.

• მანძილი: 9 კმ.
• ხანგრძლივობა: 4-6 სთ.
• მარშრუტის ტიპი: საფეხმავლო.
• სირთულე: რთული, ალაგ-ალაგ ციცაბო და ვიწრო ბილიკები. 
• მთავარი ღირსშესანიშნაობა: ნინოსხევის ჩანჩქერი.
• მარკირება: ლურჯი და თეთრი

მარშრუტი იწყება გურგენიანის საინფორმაციო ცენტრიდან და საცალფეხო ბილიკით მიემართება მდინარე ,,ნინოს ხევის” პარალელურად.

ფასი:

• კერძო გიდი დღიურად 100 ლ.
• ცხენი დღიურად 100 ლ.
• საძილე ტომარა დღიურად 8 ლ.
• პარალონი დღიურად 5.
• საკარვე ადგილი ერთ კაცზე დღიურად 8 ლ.